హైదరాబాద్, వెలుగు: రాష్ట్రవ్యాప్తంగా సదరన్ డిస్కమ్ పరిధిలో ఉన్న కరెంట్ ఓవర్ లోడింగ్ సమస్యలపై ప్రత్యేక దృష్టి పెట్టినట్లు ఆ డిస్కమ్ సీఎండీ జితేశ్ వి.పాటిల్ తెలిపారు. బుధవారం హైదరాబాద్‌‌‌‌‌‌‌‌లోని సైబర్‌ సిటీ సర్కిల్ ఆఫీసు నుంచి వీడియో కాన్ఫరెన్స్ నిర్వహించారు. ప్రతి డిస్ట్రిబ్యూటరీ ట్రాన్స్ఫార్మర్ను ఫీడర్‌‌‌‌‌‌‌‌తో, వినియోగదారుల సర్వీసులను డీటీఆర్ స్ట్రక్చర్‌‌‌‌‌‌‌‌తో అనుసంధానిస్తూ మ్యాపింగ్ పనులను త్వరగా పూర్తి చేయాలని ఆదేశించారు. ప్రతి ట్రాన్స్ఫార్మర్ వద్ద ఏబీ స్విచ్లు ఏర్పాటు చేయాలన్నారు. 2027 జనవరి నుంచి విద్యుత్ శాఖ ఉద్యోగుల నిర్లక్ష్యం కారణంగా జరిగే వైఫల్యాలపై కఠిన చర్యలు తీసుకుంటామని హెచ్చరించారు.
300 ఆంపియర్లకు పైగా లోడ్ ఉన్న 33 కేవీ ఫీడర్ల సామర్థ్యాన్ని పెంచడంతో పాటు ఓవర్‌‌‌‌‌‌‌‌లోడ్ ఫీడర్ల బైఫర్కేషన్, బ్యాక్ ఫీడింగ్ పనులను స్పీడప్ చేయాలన్నారు. బుధవారం ఆయన చిత్రపురి సొసైటీని సందర్శించి నూతనంగా ఏర్పాటు చేసే 33/11 కేవీ విద్యుత్ సబ్‌‌‌‌‌‌‌‌స్టేషన్ ప్రతిపాదనను పరిశీలించారు. అనంతరం ప్రస్తుతం పనిచేస్తున్న లాంకో హిల్స్ 33/11 కేవీ సబ్‌‌‌‌‌‌‌‌స్టేషన్‌‌‌‌‌‌‌‌ను సందర్శించి, అక్కడ చేపడుతున్న అభివృద్ధి పనులను సమీక్షించారు.
